በምርምር ማህበረሰብ አገልግሎት ም/ፕ/ጽ/ቤት ቴክኖሎጂ ሽግግርና ስርጸት ሁለንተናዊ ለዉጥ ለማምጣትና የህብረተሰቡን ችግር በላቀ ደረጃ ለመቅረፍ የሚያስችል አዉደ ምክክር ከዩኒቨርሲቲዉ መምህራን ጋር ተካሂደ፡፡በመምህራኑ የተዘጋጁ የጥናትና ምርምር ሥራዎች ለዉድድር ቀርበዉ ቀጣይ ለምሰሩ የማህበረሰብ አገልግሎት ተግባራት ቅድሚያ የሚሰጣቸዉ መለየታቸዉ ተጠቁሟል፡፡ዩኒቨርሲቲዉ ከመማር ማስተማር ስራዉ በተጨማሪ ችግር ፈቺ ጥናትና ምርምሮችን በማካሄድ ዘርፈ ብዙ የማህበረሰብ አገልግሎት ተግባራትን ሲያካህድ ቆይቷል፡፡ ተመራማሪዎች በምርምር ያገኙትን ተጨባጭ ግኝት በበጀት አስደግፈው ዘላቂ ለዉጥ እንድመጣ ከህብረተሰቡ ጋር በቁርኝት ሲሰራም ቆይቷል፡፡ማህበረሰቡ ችግሬ ነዉ ያላቸዉን ተግዳሮቶች በጥናትና ምርምር በመለየት ዩኒቨርሲቲው ባከናወናቸው መጠነ ሰፊ ስራዎች የማህበረሰቡ ማህበራዊና ኢኮኖሚያዊ ለዉጦች የጥናቱ ውጤቶች በተተገበሩባቸው አካባቢዎች ሊታዩ ችለዋል ፡፡

የወላይታ ሶዶ ዩኒቨርስቲ በመምህራን ልማት ዘርፍ በተለይም የ0/70/30 ፖሊሲን ለማሳካት ዘረፈ ብዙ ተግባራትን በማከናወን ላይ ይገኛል፡፡ በመማር ማስተማር ተግባር ላይ የሚሰማሩ ምሁራን ተለክቶ በሚሰጣቸው ተልዕኮች ማለትም በመማር ማስተማር፣ በጥናትና ምርምር ስራዎች እና በማህበረሰብ አቀፍ አገልግሎት እንዲሁም በቴክኖሎጂ ሽግግርና ስርጸት እንዲሳተፉ ምቹ ምህዳር እንዲፈጠር ይሰራል፡፡ በተሳትፏቸው ልክና ባበረከቱት አስተዋጾ ውጤታቸው እየተመዘነ የደረጃ ዕድገት እንዲያገኙም ይደረጋል፡፡ በዚሁ መነሻ በ2009/10 ዓ.ም ዩኒቨርስቲው ለ84መምህራን የረዳት ፕሮፌሰርነት፣ለ8 መምህራን የተባባሪ ፕሮፌሰርነት እና ለአንድ መምህር የሙሉ ፕሮፌሰርነት ማዕረግ ሰጥቷል፡፡ ማዕረጉ ከተሰጣቸው ምሁራን መካከል በዩኒቨርስቲው ታሪክ ለመጀመሪያ ጊዜ የሙሉ ፕሮፌሰርነት ማዕረግ ከተሰጣቸው ከፕሮፌሰር አሰፋ አስማረ ጋር የዳሞታ መጽሔት በስራና በግል ሕይወታቸው ዙሪያ ቆይታ አድረጓል፡፡ መልካም ንባብ እንዲሆንላችሁ ተመኝተናል፡፡

ዩነቨርሲቲው በአከባቢው የሚገኙ ሁለተኛ ደረጃ ትምህርት ቤቶችን ከማብቃት ረገድ በሀገር አቀፍ ደረጃ የበርካታ ጎበዝ ተማሪዎች መፍለቂያ የሆነውን የወላይታ ሊቃ ትምህርት ቤት ለመማር ማስተማር ምቹ ለማድረግ በወላይታ ልማት ማህበር የተጀመረውን ጥረት ለመደገፍ በማሰብ ሁለት ህንፃዎችን ገንብቶ አስረክቧል፡፡

ትምህርት ቤቱ ባለፉት ጥቂት አመታት የተሻለ የትምህርት አቀባበል እያላቸው ወላጅ ያጡና የኢኮኖሚ አቅም በሌላቸው ተማሪዎች ላይ ትኩረት በማድረግ ስሰራ መቆየቱ ይታወሳል፡፡ ይህንን የተጀመረውን አበረታች ጅማሮ ለማስቀጠልና በትምህርት ቤቱ የሚስተዋለውን የተማሪዎች መኖሪያ ህንፃ እጥረት እንድቀርፍ በ14.5 ሚሊየን ብር ለተማሪዎች አገልግሎት የሚውል ሁለት ህንፃዎችን በመገንባትና የተለያዩ ቁሳቁሶችን በማቅረብ ድጋፍ አድርጓል፡፡