Events Detail

img
img

የሴት መምህራንን የጥናትና ምርምር አቅም በማጎልበት ለህብረተሰቡ ለውጥና ዘላቂ ተጠቃሚነት እየተሰራ ይገኛል፡፡ ዩኒቨርሲቲው የሴት መምህራንን የምርምርና ማህበረሰብ አገልግሎት ተሳትፎ ለማሳደግ የሚያስችል የምክክር መድረክ አካሂዷል፡፡

Time: 5pm,Jan 2018

Location: Wolaita Sodo,Ethiopia

ዩኒቨርሲቲው በአዋጅ ከተሰጡት 3ት ዋና ዋና ተልዕኮዎች አንዱ በሆነው ጥናትና ምርምር ስራ ዘርፍ ባለፉት ጊዜያት በርካታ ችግር ፈቺ የምርምር ስራዎች ሲሰሩ ቆይቷል፡፡ ይሁን እንጂ በዘርፉ የሴት መምህራን ድጋፍና ተሳትፎ በሚፈለገው ደረጃ ባለመድረሱ ይህንን ችግር ለመቅረፍ ታስቦ የተዘጋጀው መድረክ ለመጀመሪያ ጊዜ ተካሂዷል፡፡

በምክክር መድረኩ ተገኝተው ንግግር ያደረጉት የአካዳሚክ ጉዳዮች ምክትል ፕሬዝዳንት ተወካይ ዶክተር ወንድሙ ወልዴ እንደገለፁት በዩኒቨርሲቲው በሚካሄዱ የጥናትና ምርምር ስራዎች ላይ የሴት መምህራን ተሳትፎ ዝቅተኛ እንደሆነና በዘርፉ ያለውን የሴት መምህራን ተሳትፎ በ2ኛው እድገትና ትራንስፎርሜሽን ዕቅድ ዘመን 30 ከመቶ ለማድረስ ዩኒቨርሲቲው የተለያዩ መርሃ ግብሮችን አዘጋጅቶ እየሰራ እንደሆነም ጠቁመዋል፡፡ ዶክተር ወንድሙ አክለውም ይህንን ተግባር ከዳር ለማድረስና በሴት መምህራን ዘርፍ መነሳሳትን ለመፍጠር የስልጠናው ፋይዳ የጎላ ነው ብለዋል፡፡ በዩኒቨርሲቲው የሥርዓተ ፆታ ዳይሬክቶሬት ዳይሬክተር ወ/ሮ አልማዝ ባልጣ እንደገለፁት ሴት መምህራን ያሉባቸውን ተግዳሮቶች በመቅረፍ በጥናትና ምርምር ዘርፍ ተሳትፏቸውን እንዲያጎለብቱ ሊደገፉ እንደሚገባቸው ገልጸዋል፡፡ ከምክክር መድረኩ ተሳታፊዎች መካከል መምህርት ትዕግስት ባልቻ በበኩሏ በጥናትና ምርምር ዘርፍ የሚመቻቹ መልካም ዕድሎችን አሟጠን በመጠቀም ህብረተሰቡን በሚጠቅሙ ምርምሮች ላይ ልንሳተፍ ይገባል ብላለች፡፡ በአሁኑ ሰዓት በዩኒቨርሲቲው በጥናትና ምርመር ዘርፍ የሴት መምህራን ተሳትፎ ከ2 በመቶ ያልበለጠ ሲሆን የዘርፉን ተሳትፎ ወደ 10 በመቶ ከፍ ለማድረግ የተጀመረው ጥረት እመርታ እያሳየ ይገኛል፡፡ ካለፈው ዓመት ጀምሮ ከ10 የሚበልጡ የሴት መምህራን የጥናትና ምርምር ፅሁፎች ለግምገማ ቀርበው መፅደቃቸው በምክክር መድረኩ የተገለፀ ሲሆን በሁሉም መስክ ሴት ምሁራንን ያሳተፈ ለውጥ ለማምጣት መሰራት እንደምኖርበት ተሰምሮበታል፡፡

More Events

ዩኒቨርሲቲው በሆስፒታሉ አገልግሎት አሰጣጥ ዙሪያ የህዝብ ፎረም አካሂዷል፡፡

Time: 7pm,1 March 2016

Location: Wolaita Sodo,Ethiopia

በፎረሙ ላይ የዩኒቨርሲቲው ፕሬዚዳንት ዶ/ር ሰንበቴ ቶማ ባደረጉት ንግግር ሆስፒታሉ ለተገልጋዮች እየሰጠ ያለውን አገልግሎት በተቀላጠፈ መልኩ ተደራሽ ለማድረግ በርካታ ተግባራትን እያከናወነ እንደሚገኝ ገልፀው በተለይም መልካም አስተዳደርን በቀጣይነት ለማስፈን ከማህብረሰቡ ጋር በመወያያትና የመፍትሄ አቅጣጫዎችን በማስቀመጥ መስተካከል በሚገባቸው ተግባራት ላይ ዩኒቨርሲቲው አፅንዖት ሰጥተው እንደሚያከናውን ገልጸዋል፡፡

Read More

̋በጥናትና ምርምር በመታገዝ የማህበረሰቡን ችግር በዘላቂነት ከመፍታት አኳያ የወላይታ ሶዶ ዩኒቨርሲቲ ያከናወናቸዉ ተግባራት አበረታች ናቸው˝ ሲሉ ባለድርሻ አካላት ተናገሩ፡፡

Time: 7pm,1 March 2016

Location: Wolaita Sodo,Ethiopia

ዩኒቨርሲቲው በሚያከናውናቸው የምርምርና የማህበረሰብ አገልግሎቶች ዙሪያ ከባለድርሻ አካላት ጋር የምክክር አውደ-ጥናት አካሄደ፡፡ ዩኒቨርሲቲው በምርምርና በማህበረሰብ አገልግሎት ዙሪያ ከሚመለከታቸው መንግስታዊ እና መንግስታዊ ካልሆኑ ባለድርሻ አካላት ጋር ለሁለት ተከታታይ ቀናት የቆየ የምክክር አውደ-ጥናት በዩኒቨርሲቲው ዋና ግቢ አካሄደ፡፡

Read More