Events Detail

img
img
img
img
img

የየወላይታ ሶዶ ዩኒቨርሲቲው ለወላይታ ሊቃ ትምህርት ቤት በ14.5 ሚሊየን ብር የተማሪዎች ማደሪያ ህንፃ (Dormitory) ገንብቶ አስረክቧል፡፡

Time: 6pm, Jan, 2018

Location: Wolaita Sodo,Ethiopia

ዩነቨርሲቲው አካባቢያዊ ችግሮችን መነሻ በማድረግ ህብረተሰቡን ተጠቃሚ የሚያደርጉ በርካታ የማህበረሰብ አቀፍ አገልግሎት ሥራዎችን እየሰጠ ይገኛል፡፡ ለአብነት ያህልም በአቅራቢያው ለሚገኙ ትምህርት ቤቶች የሚደረግ ድጋፍ ተጠቃሽ ነው፡፡ በሀገር አቀፍ ድረጃ የበርካታ ጎበዝ ተማሪዎች መፍለቂያ የሆነው በአገራችን ስመጥር የሆነው የወላይታ ሊቃ ትምህርት ቤትም ዩኒቨርሲቲው ከሚደግፋቸው ትምህርት ቤቶች መካከል አንደኛው ነው፡፡

ትምህርት ቤቱ ባለፉት ጥቂት አመታት የተሻለ የትምህርት አቀባበል እያላቸው ወላጅ በማጣትና የኢኮኖሚ አቅም የሌላቸውን ተማሪወች ላይ ትኩረት በማድረግ ስሰራ መቆየቱ ይታወሳል፡፡ ይህንን የተጀመረውን አበረታች ጅማሮ ለማስቀጠልና በትምህርት ቤቱ የሚስተዋለውን የተማሪዎች መኖሪያ ህንፃ እጥረት ለመቅረፍ የወላይታ ሶዶ ዩኒቨርሲቲ በ14.5 ሚሊየን ብር ለተማሪዎች አገልግሎት የሚውል ሁለት ህንፃዎችን ገንብቶ አስረክቧል፡፡

በርክብክብ ስነ ስረዓቱ ላይ የወላይታ ሶዶ ዩኒቨርሲቲ የአስታዳደርና የተማሪዎች አገልግሎት ምክትል ፕሬዝዳንት አቶ ሽመልስ ታምራት እንደገለፁት፡ የኒቨርሲቲው በዞኑ የሚገኙ ትምህርት ቤቶችን ለማብቃትና የትምህርት ጥራትን ለማረጋገጥ የሚደረገውን ጥረት እንደ አንድ ተልዕኮ በመውሰድ የበኩሉን ድርሻ እየተወጣ እንደሚገኝ አስታውሰው በ14.5 የተገነቡ 2 የተማሪዎች ማረፊያ ህንፃዎች ያለውን የተማሪ ማደሪያ ቤቶች እጥረት እንደሚያስወግድ ተናግረዋል፡፡ አቶ ሽመልስ አክለዉም ዩኒቨርሲቲው በቀጣይም ሌሎች የእውቅትና የቁሳቁስና ድጋፎችን አጠናከረው እንደሚቀጥል አውስተዋል፡፡

ዩኒቨርሲቲው አስገንብቶ ያስረከባቸው ህንፃዎች 800 ተማሪዎችን ማሳረፍ የሚችል መሆኑን ተመልክቷል፡፡

የወላይታ ልማት ማህበር ሥራ አስኪያጅ አቶ አልታዬ አየለ በበኩላቸው ዩኒቨርሲቲው ለትምህርት ቤቱ ያደረገው ድጋፍ እጅግ የሚደነቅ መሆኑን ገልፀው፡ ዩኒቨርሲቲው በቀጣይም ድጋፉን አጠናክሮ እንዲቀጥል ጠይቀዋል፡፡ የትምህርት ጥራትን ለማረጋገጥ በሚደረገው ጥረት የሁሉም ባለድርሻ አካላት ርብርብ ወሳኝ ነው፡፡

More Events

ዩኒቨርሲቲው በሆስፒታሉ አገልግሎት አሰጣጥ ዙሪያ የህዝብ ፎረም አካሂዷል፡፡

Time: 7pm,1 March 2016

Location: Wolaita Sodo,Ethiopia

በፎረሙ ላይ የዩኒቨርሲቲው ፕሬዚዳንት ዶ/ር ሰንበቴ ቶማ ባደረጉት ንግግር ሆስፒታሉ ለተገልጋዮች እየሰጠ ያለውን አገልግሎት በተቀላጠፈ መልኩ ተደራሽ ለማድረግ በርካታ ተግባራትን እያከናወነ እንደሚገኝ ገልፀው በተለይም መልካም አስተዳደርን በቀጣይነት ለማስፈን ከማህብረሰቡ ጋር በመወያያትና የመፍትሄ አቅጣጫዎችን በማስቀመጥ መስተካከል በሚገባቸው ተግባራት ላይ ዩኒቨርሲቲው አፅንዖት ሰጥተው እንደሚያከናውን ገልጸዋል፡፡

Read More

̋በጥናትና ምርምር በመታገዝ የማህበረሰቡን ችግር በዘላቂነት ከመፍታት አኳያ የወላይታ ሶዶ ዩኒቨርሲቲ ያከናወናቸዉ ተግባራት አበረታች ናቸው˝ ሲሉ ባለድርሻ አካላት ተናገሩ፡፡

Time: 7pm,1 March 2016

Location: Wolaita Sodo,Ethiopia

ዩኒቨርሲቲው በሚያከናውናቸው የምርምርና የማህበረሰብ አገልግሎቶች ዙሪያ ከባለድርሻ አካላት ጋር የምክክር አውደ-ጥናት አካሄደ፡፡ ዩኒቨርሲቲው በምርምርና በማህበረሰብ አገልግሎት ዙሪያ ከሚመለከታቸው መንግስታዊ እና መንግስታዊ ካልሆኑ ባለድርሻ አካላት ጋር ለሁለት ተከታታይ ቀናት የቆየ የምክክር አውደ-ጥናት በዩኒቨርሲቲው ዋና ግቢ አካሄደ፡፡

Read More