Events Detail

img
img

የአካል ጉዳተኞችን ሁለንተናዊ አቅም በማጎልበት ተጠቃሚነታቸውን ለማጠናከር እየተሰራ መሆኑ ታወቀ፡፡ ዩኒቨርሲቲው ከሰሞኑ የተለያዩ ባለድርሻ አካላትን በማሳተፍ የአካል ጉዳተኞችን ቀን አክብሯል፡፡

Time: 5pm,Jan, 2018

Location: Wolaita Sodo,Ethiopia

በዩኒቨርሲቲው ከሚገኙ የተለያዩ ማህበረሰብ ክፍሎች ዉስጥ የአካል ጉዳተኞች ተጠቃሽ ናቸው፡፡ አካል ጉዳተኞች ተገቢውን አገልግሎት በማግኘት ተጠቃሚነታቸው እንዲረጋገጥ በዩኒቨርሲቲው ዘርፈ ብዙ እንቅስቃሴ እየተደረገ ይገኛል፡፡ የዚሁ እንቅስቃሴ አካል የሆነው የአካል ጉዳተኞች ቀንም የተለያዩ ባለድርሻ አካላትን በማሳተፍ በድምቀት ተከብሯል፡፡

በበዓሉ ላይ ተገኝተዉ የመክፈቻ ንግግር ያደረጉት የወላይታ ሶዶ ዩኒቨርሲቲ አስተዳደርና ተማሪዎች አገልግሎት ምክትል ፕሬዝዳንት አቶ ሽመልስ ታምራት፡ በዩንቨርሲቲው የአካል ጉዳተኞች ማዕከል ተቋቁሞ ተገቢዉን አገልግሎት እየሰጠ እንደሚገኝ ተናግረዋል፡፡ በተጨማሪም አቶ ሽመልስ ማዕከሉ ለአካል ጉዳተኛ ተማሪዎች አስፈላጊ የሆኑ ቁሳቁሶችን ከማቅረብ ባለፈ ሁለንተናዊ አቅማቸውን በማጎልበት ተጠቃሚነታቸውን ለማረጋገጥ ከባለድርሻ አካላት ጋር በቅንጅት እየሰራ እነደሚገኝም ጠቁመዉ በዩኒቨርሲቲው አካል ጉዳተኞችን ታሳቢ ያደረጉ ግንባታዎች እየተሰሩ መሆናቸዉን ገልፀው ሌሎች የሚስተዋሉ ችግሮችንም ለመቅረፍም በጥናትና ምርምር ላይ የተደገፈ ስራ መሰራት እንዳለበት አውስተዋል፡፡

በወላይታ ሶዶ ዩኒቨርሲቲ የአካል ጉዳተኞች ማዕከል አስተባባሪ የሆኑት አቶ ጌታቸው ገኖ በበኩላቸው በዩንቨርሲቲው ከ50 የሚበልጡ አካል ጉዳተኞች እንደሚገኙና ዩኒቨርሲቲው ለአካል ጉዳተኞች ሁለንተናዊ እንቅስቃሴ ምቹና በቴክኖሎጂ መሳሪያዎች የተደገፈ እንዲሆን ማዕከሉ በዘርፉ ከሚመለከታቸው አካላት ጋር ተቀናጅቶ እየሰራ መሆኑንም ጠቁሟል፡፡

የአካል ጉዳተኝነት ሳይገድበን ራሳችንን ለታላቅ ደረጃ በማብቃት የወገን ኩራት ለመሆን ጥረት ማድረግ አለብን ያሉት በበዓሉ ተሳታፊ ከሆኑት መካከል የ4ኛ ዓመት የሲቪል ምህንድስና ተማሪ ሙለጌታ አለማየሁ እና የህግ ተማሪ የሆነው ተማሪ አበበ ማናዬ ናቸው፡፡

በዩንቨርሲቲው የአካል ጉዳተኞችን ሁለንተናዊ አቅም ለማጎልበት እየተደረገ ያለው ድጋፍና ክትትልም ተጠናክሮ ሊቀጥል እንደሚገባም ተሰምሮበታል፡፡ የአካል ጉዳተኞች ቀን በዓለም ዓቀፍ ደረጃ ለ27ኛጊዜ፥በሀገራችንም ለ26ኛጊዜ ሁሉን ዓቀፍ ጠንካራ እና ዘላቂ ማህበረሰብ እንገንባ በሚል መሪ ቃል በቅርቡ መከበሩ በበዓሉ ተገልጿል::

More Events

ዩኒቨርሲቲው በሆስፒታሉ አገልግሎት አሰጣጥ ዙሪያ የህዝብ ፎረም አካሂዷል፡፡

Time: 7pm,1 March 2016

Location: Wolaita Sodo,Ethiopia

በፎረሙ ላይ የዩኒቨርሲቲው ፕሬዚዳንት ዶ/ር ሰንበቴ ቶማ ባደረጉት ንግግር ሆስፒታሉ ለተገልጋዮች እየሰጠ ያለውን አገልግሎት በተቀላጠፈ መልኩ ተደራሽ ለማድረግ በርካታ ተግባራትን እያከናወነ እንደሚገኝ ገልፀው በተለይም መልካም አስተዳደርን በቀጣይነት ለማስፈን ከማህብረሰቡ ጋር በመወያያትና የመፍትሄ አቅጣጫዎችን በማስቀመጥ መስተካከል በሚገባቸው ተግባራት ላይ ዩኒቨርሲቲው አፅንዖት ሰጥተው እንደሚያከናውን ገልጸዋል፡፡

Read More

̋በጥናትና ምርምር በመታገዝ የማህበረሰቡን ችግር በዘላቂነት ከመፍታት አኳያ የወላይታ ሶዶ ዩኒቨርሲቲ ያከናወናቸዉ ተግባራት አበረታች ናቸው˝ ሲሉ ባለድርሻ አካላት ተናገሩ፡፡

Time: 7pm,1 March 2016

Location: Wolaita Sodo,Ethiopia

ዩኒቨርሲቲው በሚያከናውናቸው የምርምርና የማህበረሰብ አገልግሎቶች ዙሪያ ከባለድርሻ አካላት ጋር የምክክር አውደ-ጥናት አካሄደ፡፡ ዩኒቨርሲቲው በምርምርና በማህበረሰብ አገልግሎት ዙሪያ ከሚመለከታቸው መንግስታዊ እና መንግስታዊ ካልሆኑ ባለድርሻ አካላት ጋር ለሁለት ተከታታይ ቀናት የቆየ የምክክር አውደ-ጥናት በዩኒቨርሲቲው ዋና ግቢ አካሄደ፡፡

Read More